Ціханоўская знаходзіцца з працоўным візітам у Злучаных Штатах
Кіраўніца і прадстаўнікі Аб’яднанага Пераходнага Кабінета Беларусі знаходзяцца з працоўным візітам у ЗША.
-
Фота: twitter.com/Tsihanouskaya
У візіце бярэ удзел кіраўніца Кабінета Святлана Ціханоўская, яе намеснік Валер Кавалеўскі, прадстаўніцы Кабінета Вольга Гарбунова і Аліна Коўшык. Падчас паездкі запланаваны шэраг сустрэч у Дзярждэпартаменце і Кангрэсе ЗША, з сенатарамі і пасламі розных дэмакратычных краін.
Сярод тэма, якія будуць узнятыя на сустрэчах:
– падтрымка беларускай грамадзянскай супольнасці, незалежных СМІ, праваабаронцаў, палітзняволеных;
– прыцягненне прадстаўнікоў рэжыму да адказнасці за злачынствы супраць чалавечнасці праз запуск адпаведных міжнародных механізмаў.
Адной з ключавых падзей паездкі стане канферэнцыя Каліноўскага, якая пройдзе 23 сакавіка ў Вашынгтоне.
Беларускае Радыё Рацыя
