У другім туры сустрэнуцца Зяленскі і Парашэнка
У другім туры прэзідэнцкіх выбараў ва Украіне сустрэнуцца Уладзімір Зяленскі і Пятро Парашэнка.
Вынікі першага туру выбараў прэзідэнта ва ўкраінскай сталіцы не спынілі палітычнай актыўнасці грамадзян. Рэакцыя людзей розная. Адныя абураюцца вынікамі галасавання, іншыя – чакаюць са спадзяваннем. А ёсць такія, якія чакаюць кардынальных зменаў дзяржаўнага ўладкавання. І выказваюць агульную незадаволенасць.
Пра выбары ва Украіне – у рэпартажы «Украінскі боршч, або як украінцы выбіраюць прэзідэнта» аўтарства нашых адмысловых карэспандэнтаў Юркі Ляшчынскага і Віктара Парфёненкі:
Другі тур выбараў пройдзе 21 красавіка, дзе за пасаду прэзідэнта пазмагаюцца Пятро Парашэнка і Уладзімер Зяленскі.
* * *
На вуліцах Кіева можна сустрэць прыхільнікаў двух кандыдатаў. Кажа адзін з ветэранаў „Майдану” Васіль Люберэць:
– Дэманструем, што нас у чарговы раз адурылі. Парашэнка здраднік, адзін з арганізатараў вайны з Пуціным, яны арганізавалі вайну пад указкай міжнароднага алігархату. Яны баяцца ўкраінскага народу, баяцца волі, якая ў нас ад пачатку ў нашых сэрцах. Я лічу, што па любому трэба абіраць Зяленскага, бо трэба сябе хоць трохі паважаць.
Апрача крытыкаў Парашэнкі сустракаюцца і яго прыхільнікі:
– Яму Бог дапаможа. Колькі ён намучыўся, як ён пасівеў, ён перажываў за Украіну. З боку лёгка гаварыць, але кіраваць краінай не трак проста. Яшчэ вайна, а людзі не разумеюць, што ў нас вайна. Гэта вайна і вельмі агрэсіўная вайна.
Паводле папярэдніх вынікаў Цэнтральнай выбарчай камісіі Украіны, за Уладзіміра Зяленскага прагаласавала больш за 5 мільёнаў грамадзян, што склала 30,26%. За Пятра Парашэнку прагаласавала 15,99% выбаршчыкаў, за Юлію Цімашэнку – 13,35%, Юрыя Бойку – 11,53%, Анатоля Грыцэнку- 7,00%.
* * *
Яны набралі найбольшую колькасць галасоў: Зяленскі – 30,6%, а Парашэнка – 17,8%. Многія ўкраінцы ў шоку, што такая вялікая падтрымка была аказана актору:
– Калі гэта дзень смеху, а выбары гэта насамрэч вельмі смешная справа. На жаль гэта сур’ёзна, бо вырашаецца лёс краіны.
– Ён прэзідэнт і на дадзены момант я лічу, што былі кандыдаты за якіх можна было галасаваць, але я не думаю, што яны перамаглі. Куды нам Зяленскі? Такое прыдумалі.
– По прыколу за Зяленскага.
– Да каго сэрца ляжыць.
Перамога Зяленскага ў першым туры ўспрымаецца многімі, як галасаванне „супраць” усіх:
– Актор ён можа і не благі, але ён не мае ніякага палітычнага досведу. Ён не можа нават размаўляць. Ён размаўляе па-ўкраінску пераскокваючы на расейскую. Гэта жах, на гэта немагчыма глядзець, як ён спрабуе нешта мыкаць. Таму яго нават не выстаўляць на тэле-шоў і г.д. Калі ён маўчыць, то ўсё нармальна. Вельмі шмат пратэстнага электарату.
Кіеўляне кажуць за каго аддалі свой голас:
– Я хадзіў з сынам, мы аддалі за Грыцэнку голас і за Шаўчэнку.
– Парашэнка. У нас непрадказальна, паглядзім.
– За Юлію Уладзіміраўну Цімашэнку.
– За Юлію Цімашэнку.
– Я прагаласаваў за Грыцэнку. На яго, так бы мовіць, спадзяюся яшчэ.
– Я галасую за Зяленскага, можа ён лепш зробіць.
На выбарах балатавалася 39 кандыдатаў, з якіх больш за 30 не набралі 1% галасоў выбаршчыкаў. За выбарамі сочаць нашыя карэспандэнты Віктар Парфёненка і Юры Ляшчынскі.
Беларускае Радыё Рацыя
Фота Віктара Парфёненкі
