Уладзімір Зяленскі прыбыў з візітам у ЗША (абноўлена)
Прэзідэнт Украіны Уладзімір Зяленскі прыбыў у Белы дом. Яго віталі прэзідэнт ЗША Джо Байдэн і першая лэдзі Джыл Байдэн.
-
Фота: Патрык Семанскі/AP
-
Фота: Дру Ангерер/Getty Images
* * *
21 снежня прэзідэнт Украіны Уладзімір Зяленскі прыбыў у ЗША ў рамках афіцыйнага візіту. Пра гэта паведамляе The Guardian.
-
Фота: Зяленскі/Telegram
Прэзідэнт Украіны ўпершыню пакінуў краіну з пачатку поўнамаштабнага ўварвання Расеі.
Зяленскі прыбыў у ЗША з польскага Жэшува на вайсковай мадыфікацыі самалёту Boeing Вайскова-паветраных сіл ЗША. У Польшчу, як паведамлялі СМІ, Зяленскі дабраўся на цягніку. У паездцы яго суправаджала амбасадарка ЗША ва Украіне Брыджыт Брынк.
-
Фота: The Guardian
У Вашынгтоне Уладзімір Зяленскі сустрэцца з амерыканскім калегам Джо Байдэнам і выступіць на сумесным паседжанні Кангрэса.
* * *
Прэзідэнт Украіны сёння павінен сустрэцца з прэзідэнтам ЗША Джозэфам Байдэнам. Пра гэта паведамляе CNN са спасылкай на крыніцы ў амерыканскай адміністрацыі.
Візіт таксама будзе ўключаць выступ на сумесным пасяджэнні Кангрэса. Гэта будзе першая замежная паездка Уладзіміра Зяленскага пасля пачатку расейскага ўварвання ў лютым гэтага года. Чакаецца, што Байдэн абвесціць аб новым пакеце вайсковай дапамогі для Украіны коштам 1,8 млрд долараў, у яго могуць быць уключаныя ЗРК Patriot. Афіцыйна ў Белым доме не каментуюць візіт. Адмовіліся ад каментароў і ў офісе прэзідэнта Украіны.
Array