Вайна ва Украіне: жыхароў Крыма заклікаюць рыхтавацца да эвакуацыі
188-ы дзень вайны. Дарадца кіраўніка Офіса прэзідэнта Украіны Міхайла Падаляк папярэдзіў у твітары жыхароў Крыма аб неабходнасці рыхтавацца да эвакуацыі, каб пазбегнуць ахвяр сярод мірнага насельніцтва.
«Зразумела, што для Украіны жыцці грамадзян — безумоўны прыярытэт. Таму мы ўжо распрацоўваем эвакуацыйныя маршруты для жыхароў акупаванага Крыма, якія жадаюць пакінуць паўвостраў на час актыўнай дэакупацыі. Пакуль жа просім усіх трымацца далей ад ваенных аб’ектаў і праверыць сховішчы».
Тым часам міністр замежных спраў Украіны Дзмітро Кулеба ў інтэрв’ю Радыё Свабода выказаўся пра тое, што Еўразвязу варта дазволіць выдачу візаў для «сапраўдных апанентаў Пуціна», але астатнім неабходна забараніць уезд, паколькі лічыць вайну Расеі супраць Украіны адказнасцю толькі Пуціна — «гэта самападман». Кіраўнік МЗС Украіны прызнаў няправільнай калектыўную адказнасць, «калі ўсе вінаватыя аўтаматычна праз дзеянні аднаго чалавека». Ён лічыць, што трэба захаваць акно магчымасцяў для расейскіх дысідэнтаў.
Беларускае Радыё Рацыя
Array