Віктар Сазонаў – пра незалежнае назіранне
Гарадзенскія сябры кааліцыі „Праваабаронцы за свабодныя выбары” завяршаюць фармаванне спісаў сваіх удзельнікаў.
Праваабаронцы двух арганізацыяў „Вясны” і „Беларускага Хельсінкскага камітэту” аб’ядналіся для арганізацйыі незалежнага назірання за законнасцю правядзення кампаніі па выбару прэзідэнта.
Пра тое, чым вызначаецца незалежнасць у назіраннях за выбарамі, распавядае Віктар Сазонаў з праваабарончага цэнтру „Вясна”.
– Незалежнасць у тым, што мы не выконваем ніякай заранёў прыдуманай задумкі. Ёсць іншыя назіральнікі, ад БРСМ, напрыклад, у іх іншая канкрэтная задача. Незалежнасць назіральніка як раз гаворыць пра тое, што перад ім не ставіцца задача спачатку: ні паказаць дзейснасці выбараў, ні праўдзівасць, а паказаць так, як ёсць. Пайшло ўсё па праўдзе – мы гэта зафіксуем. Калі пойдзе не так і мы гэта пабачым, то зафіксуем. Толькі ўсяго.
Па Гарадзеншчыне сябры кааліцыі плануюць вылучыць некалькі дзясяткаў назіральнікаў. Гэтага дастаткова, на думку праваабронцаў, каб зафіксаваць законнасць ці незаконнасць выбарчага працэсу.
Беларускае Радыё Рацыя
Array
