1. РАЦЫЯ
2. Палітыка
3. Зяленскі сустрэўся з папам Францішкам

Зяленскі сустрэўся з папам Францішкам

Прэзідэнт Украіны Уладзімір Зяленскі 13 траўня ў Рыме сустрэўся з папам Францішкам, паведамляе Vatican News.

Размова папы Францішка з Зяленскім доўжылася прыкладна 40 хвілін і завяршылася прадстаўленнем дэлегацыі і абменам падарункамі. Падчас размовы гаворка ішла пра гуманітарную і палітычную сітуацыю ва Украіне, выкліканую вайной.

Суразмоўцы прыйшлі да згоды адносна неабходнасці і надалей ажыццяўляць гуманітарныя намаганні ў падтрымку насельніцтва. Папа падкрэсліў неадкладнасць „жэстаў чалавечнасці” у дачыненні да самых бездапаможных, нявінных ахвяр вайны.