Беларускія спартоўцы заснавалі Дзень спартовай салідарнасці
Беларускія спартоўцы заснавалі Дзень спартовай салідарнасці. Яго будуць адзначаць 30 верасня.
Ён будзе прысвечаны барацьбе свабодных спартоўцаў супраць дыктатуры ў Беларусі і вайны ва Украіне.
У сацсетках Беларускага фонду спартовай салідарнасці паведамляецца, што ў гэты дзень у розных гарадах свету пройдуць лакальныя спаборніцтвы, турніры ды іншыя мерапрыемствы.
Акцыя салідарнасці пройдзе ў Кіеве. Яна будзе прысвечаная ўкраінскім атлетам, якія загінулі на вайне з Расеяй.
Беларускае Радыё Рацыя
