Расейцы забілі 100 украінскіх спартоўцаў і трэнераў
Міністр моладзі і спорту Украіны Вадзім Гутцайт паведаміў, што расейскія захопнікі забілі 100 украінскіх спартоўцаў і трэнераў, а яшчэ 22 узялі ў палон.
«Расійцы забілі 100 украінскіх спартоўцаў і трэнераў, — піша Гутцайт. — Яны загінулі на полі бою і ад варожых абстрэлаў. Мужчыны і жанчыны. Дарослыя і дзеці. Чацвёра паранены. Яшчэ 22 знаходзяцца ў палоне».
Міністр дадаў, што ўлады прыкладаюць усе намаганні, каб вярнуць іх дадому жывымі.
Гутцайт таксама паведаміў, што на сённяшні дзень больш за 3 тысячы спартсменаў са зброяй абараняюць Украіну і ўсю Еўропу.
Яшчэ больш за 1100 спартсменаў і трэнераў працуюць валанцёрамі.
