У 18 гадоў памерла экс-баскетбалістка юніёрскай зборнай Беларусі
1 жніўня на 19-м годзе раптоўна сышла з жыцця выхаванка магілёўскай школы баскетбола Яна Зубарэнка, пра гэта паведаміла Беларуская федэрацыя баскетбола.
Мінулым летам у складзе жаночай зборнай Беларусі U-17 Яна прымала ўдзел у чэмпіянаце свету, які праходзіў у Менску. Таксама спартоўка была ўдзельніцай чэмпіянатаў Еўропы U-16 (2017), U-18 (2018) і Еўрапейскага юнацкага алімпійскага фестывалю (2017).
Улетку 2018 года баскетбалістка паступіла ў Беларускі дзяржаўны ўніверсітэт і прыняла рашэнне завяршыць прафесійную кар’еру.
Беларуская федэрацыя баскетбола выказвае самыя шчырыя спачуванні сям’і Яны Зубарэнкі.
