Юных гімнастак з Падляшша трэніруе Наталля Лешчык
Прызёрка Алімпійскіх гульняў, баючыся за сваю бяспеку, уцякла з Беларусі.
Алімпійская медалістка трэніруе юных падляшскіх гімнастак у 11-й сярэдняй школе ў Беластоку.
У клубе BRAWO Białystok падчас зімовых канікул працуе спартыўна-трэніровачны лагер. Юныя спартоўцы кожны дзень збіраюцца ў зале 11-й сярэдняй школы ў Беластоку і ўдасканальваюць свае гімнастычныя навыкі.
У першы тыдзень збораў члены беластоцкага клуба трэніруюцца пад пільнай увагай спецыяльнага госця – Наталлі Лешчык. У 2012 годзе беларуска выступала на Алімпійскіх гульнях у Лондане ў мастацкай гімнастыцы ў калектыўных дамовах. Там яна заваявала сярэбраны медаль. У тым жа годзе на чэмпіянаце Еўропы разам з камандай заняла 1-е месца ў сістэме з 3 стужкамі і 2 абручамі і 2-е месца ў мнагабор’і. Пасля заканчэння спаборніцкай кар’еры скончыла спартыўную псіхалогію і працавала псіхолагам нацыянальнай каманды па стральбе з лука.
Наталля актыўна падтрымлівала грамадзянскія пратэсты супраць фальсіфікацыі выбараў у Беларусі, а таксама выказвала свой супраціў гвалту ўладаў у сацсетках. За такую дзейнасць яе звольнілі з пасады штатнага псіхолага.
Пасьля нападу Расеі на Украіну яна разам з іншымі спартоўцамі падпісала дэклярацыю супраць вайны.
– Я таксама хадзіла на акцыі пратэсту і маршы. Падчас іх былі арышты, так што цуд, што цяпер я не ў турме, — прызнаецца беларуска.
Наталля Лешчык уцякла з Беларусі. У Польшчы 27-гадовая дзяўчына падала дакументы на гуманітарную візу.
– Я вельмі добра працую з польскімі дзецьмі. Яны цярплівыя, працавітыя і вельмі ахвотна прымаюць нешта новае, — расказвае Наталля.
Трэніроўку спартоўцаў BRAWO Białystok наведаў віцэ-прэзідэнт горада Адам Мусюк.
– Наша секцыя гімнастаў адна з лепшых у Польшчы. Таму такія прафесіяналы, як спадарыня Наталля, патрэбныя, – кажа Адам Мусюк. — Не хаваю надзеі, што Беласток вам настолькі спадабаецца, што вы задумаецеся аб пастаяннай працы з намі. Хацелася б, каб спартсмены такога класа дзейнічалі тут і дзяліліся вопытам з моладдзю, а таксама з трэнерамі і суддзямі.
Ён таксама падзякаваў за дзейнасць у апазыцыі да Лукашэнкі.
Зараз Наталля жыве ва Уроцлаве. Аднак яна не выключае, што звяжа сваю будучыню з Падляшшам.
Паводле „Ранішні кур’ер”
