Падляшскія гміны і Берасце наладжваюць супрацоўніцтва
Падляшскія гміны Дубічы Царкоўныя і Кляшчэлі наладжваюць транспамежнае супрацоўніцтва з Берасцем. Гміны і горад хочуць атрымаць сродкі на разбудову каналізацыі ды рамонт адстойніка.
Па запрашэнні войта Дубічаў Лявона Малашэўскага гміну наведала дэлегацыя з Берасця з намеснікам старшыні гарвыканкама Мікалаем Якубоўскім. Тэмай сустрэчы з’яўляецца супрацоўніцтва пры супольным транспамежным праекце „Польшча-Беларусь-Украіна”.
Праект прадугледжвае разбудову каналізацыі ў Берасці, Дубічах і Кляшчэлях, а таксама пабудову адстойніка ў гміне Дубічы, кажа войт Лявон Малашэўскі:
– Заявак вельмі шмат, вельмі вялікая канкурэнцыя. Некалькі краін бярэ ў гэтым удзел: Польшча, Беларусь, Украіна. Цяжка будзе атрымаць фінансаванне, але трэба спрабаваць, каб пазней не дакараць сябе, што не падалі і не атрымалі.
У межах праграмы „Польшча-Беларусь-Украіна” можна будзе атрымаць ад 100 тысяч да 2,5 мільёна еўра. Вынікі будуць вядомыя да канца жніўня. Бюджэт праекта разбудовы санітарнай інфраструктуры складае 2,5 мільёны злотых.
Лукаш Леанюк, Беларускае Радыё Рацыя
Array