„Культура на сходах музея” ў Гайнаўцы
Беларускі Музей у Гайнаўцы запрашае на Фестываль „Культура на сходах музея”. Адбудуцца канцэрты калектываў з Польшчы і Беларусі – такіх, як „Retro Beats” і менскі „Палац”, этнаграфічныя майстар-класы, дэгустацыя падляшскіх страў, кірмаш сувеніраў і рукадзелля.
„Мерапрыемства пачнецца ў нядзелю а 14-й гадзіне”, – запрашае дырэктар Музея і асяродка беларускай культуры ў Гайнаўцы Тамаш Ціханюк:
– Апрача музычных выступленняў на сцэне, таксама будуць адбывацца майстар-класы, розныя прэзентацыі, у тым ліку ткацкіх станкоў, можна будзе паспрабаваць свае сілы за ганчарным колам. Таксама можна будзе самому прыгатаваць дранікі, а хто не захоча, зможа проста іх пакаштаваць. Запрашаю ўсіх на Фестываль “Культура на сходах музея”.
Мерапрыемства адбудзецца на прымузейнай плошчы. Можна будзе наведаць выставы музея.
Давід Гайко, Беларускае Радыё Рацыя
Array