Анджэй Дуда сустрэўся з прэм’ер-міністрам Вялікабрытаніі
Прэзідэнт Польшчы Анджэй Дуда сустрэўся ў Лондане з прэм’ер-міністрам Вялікабрытаніі Ліз Трас.
Размова ішла пра пытанні бяспекі і будучыні польска-брытанскага супрацоўніцтва перад абліччам украінскага канфлікту, паведаміў кіраўнік Бюро Міжнароднай Палітыкі Канцылярыі Прэзідэнта Якуб Кумох.
„Абодва бакі поўныя рашучасці дапамагаць Украіне і адбіваць расейскую пагрозу”, – сказаў Кумох.
Анджэй Дуда быў адным з пяці замежных лідараў, якія пры нагодзе пахавання каралевы Лізаветы ІІ правялі кароткія сустрэчы з кіраўніком брытанскага ўрада. З Ліз Трас сустрэліся таксама прэм’ер-міністры Аўстраліі, Новай Зеландыі, Ірландыі і Канады.
Усе замежныя лідары, якія прымуць удзел у пахаванні ў панядзелак, былі запрошаны аддаць даніну павагі манарху ў Вестмінстэр-холе і падпісацца ў кнізе спачуванняў, выстаўленай у Ланкастэр-Хаўсе, будынку, які належыць брытанскаму МЗС.
Пахаванні каралевы Лізаветы ІІ адбудуцца сёння. На іх запрошаны звыш 500 гасцей. На пахаванні не запрасілі Уладзіміра Пуціна, Аляксандра Лукашэнкі і кіраўніка М’янмы.
Array