У Менску мужчыну засудзілі за ўдзел у пратэстах у 2020 годзе
Мужчыну засудзілі на паўтара года „хатняй хіміі” за ўдзел у пратэстах у 2020 годзе.
У судзе Ленінскага раёна Менска асудзілі Сяргея Саўкіна паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Суддзя Анастасія Ачалава прызначыла Сяргею адзін год і шэсць месяцаў абмежавання волі без накіравання ў папраўчую ўстанову адкрытага тыпу.
Мужчыну абвінавацілі ва ўдзеле ў пратэснай акцыі ў Менску восенню 2020 года. Ён ішоў разам з пратэстоўцамі ад Стэлы па праспекце Машэрава, затым па вуліцы Максіма Багдановіча і дайшоў да плошчы Бангалор.
Сяргея апазналі па фотаздымках з пратэстаў, якія сілавікі знайшлі ў ягоным мабільным тэлефоне.
