Чэхія камунікуе з Аб’яднаным Пераходным Кабінетам Беларусі
Намеснік кіраўніка Аб’яднанага Пераходнага Кабінета Павел Латушка сустрэўся са Старшынёй Палаты дэпутатаў чэшскага Парламента Маркетай Пякаравай Адамавай і з парламенцкай дэлегацыяй Чэхіі.
Маркета Пякарава Адамава паведаміла, што абедзве палаты Парламента прагаласавалі за прыняцце чэшскага „Акта Магніцкага”, які з пачатку 2023 года дасць выканаўчай уладзе Чэхіі магчымасць увядзення нацыянальных санкцый у дачыненні да прадстаўнікоў рэжыму Лукашэнкі.
Таксама стала вядома, што бліжэйшым часам у Празе адбудзецца адкрыццё офіса дэмакратычных сіл Беларусі ў Чэхіі. Дасягнута дамоўленасць аб правядзенні таксама бліжэйшым часам слуханняў у парламенце Чэхіі па сітуацыі з правамі чалавека ў Беларусі для выпрацоўкі прапаноў аб нацыянальных інструментах уздзеяння на рэжым.
Беларускае Радыё Рацыя
Array