42-я гадавіна ваеннага становішча ў Польшчы
У 42-ю гадавіну ўвядзення ваеннага становішча ў Польшчы ў Беластоку прайшлі ўрачыстыя ўскладанні кветак ля памятных месцаў горада, звязаных з „Салідарнасцю”.
Паралелі ў гісторыі Польшчы і Беларусі, звязаных з падаўленнем уладамі сацыяльных пратэстаў, правёў Падляшскі ваявода Багдан Пашкоўскі:
– Тыя, што загінулі, якія былі рэпрэсаваныя, якія згубілі здароўе, якія згубілі працу і пераследаваліся іншым чынам. Нягледзячы на тое, што былі ўжытыя такія захады, каб утрымаць камунізм і абмежаваць свабоду, польская свабода перамагла. Жадаем беларускаму народу таксама, каб нягледзячы на падобныя захады з боку рэжыму Лукашэнкі, гэты шлях беларускага народу да свабоды закончыцца перамогай.
Падчас мітынгу ля помніка Ежы Папялушку ў Беластоку, неаднаразова падкрэслівалася, што ўвядзенне надзвычайнага становішча 13 снежня 1981 года было „дзеяннем уладаў супраць нацыі і спробай здушыць польскія памкненні да свабоды ў камуністычнай Польшчы”. Адпаведна 13-га снежня таксама з’яўляецца днём малітвы за ахвяр ваеннага становішча.
Беларускае Радыё Рацыя
